Сiйö тылса уджалысь. Дереваннöйса школаын комын воысь дыр велöдiс химия да биология. Велöдчысьясыс пыр казьтылöны сiйöс. Зэв сьöлöм серти вöлi уджавны школа йöрын, кöнi сылöн туйдöмöн быдтiсны зэв унатор. 
Тамара Петровна тöдö удж и öнi, Николай Васильевич верöсыскöд видзöны мöс, вöдитöны град йöр. Гозъялöн куим челядь, нёль внук. Татьяна нылыс верöсыскöд кыпöдiсны керка, быдторйöн отсасьöны бать-мамлы. 
Таво Тамара Петровналы тырис 90 арöс. Гöгрöс пасöн чолöмалiсны районса администрацияöн веськöдлысьöс вежысь Н.А.Левченко, олöмаяслöн районса сöветöн веськöдлысьöс вежысь И.З.Ахмадова, кодъяс козьналiсны шоныд шебрас да дзоридзьяс, а сiдзжö Дереваннöйса юралысь Е.В.Булышева, олöмаяслöн сиктса котырö пырысьяс да став рöдвуж. Быдöнсянь вичмисны шоныд кывъяс да бурсиöмъяс, медым Тамара Петровна вöлi дзоньвидзаöн да олiс дыр на. 
Людмила РАКИНА. 
Снимок районса администрациялöн сайт вылысь.