Талун районын овмöдчöминъясса сикт-грездъясын уджалö 13 старöста.

[ A+ ] /[ A- ]

 Найö öтувтöны олысьясöс, олöны налöн тöждъясöн да могъясöн, ышöдöны бур вылö да öтув пöртöны могъяссö олöмö. Медся водзмöстчысьяс лыдын Выльгортысь Егор Федосеевич Уляшев, кодöс йöзлöн чукöртчылiгöн бöрйисны коймöдысь нин. Топыд йитöда Помöсдiнса юралысь А.Е.Уляшевкöд, олöмаяслöн Выльгортса котырöн веськöдлысь М.Е.Гаевскаякöд. 
— Лунвыв электрическöй сетьяслöн районса юкöнын Помöсдiн вожын электрикöн уджалöм бöрын шойчча квайт во нин. Эм аслам трактор. Асшöр уджалысьяскöд сёрнитча да ас техникöн и ветлöдла тьöс-плакала да мукöд коланаторла. Кайлi весиг Ягкöджöдз. Пыр отсалö Н.А.Шебырев. Сьöмсö чукöртам асьным. Нимкодь, мый зэв бура водзмöстчö олöмаяслöн котыр. Вöчим челядьлы ворсанiн. Выльгортöс кык пельö юкö шор. Таво сы вомöн вöчим пос. Вольсалiм пöперегöн 30 метра кузьта шлега, сы вылö тьöс-плака, и лоис вуджанiн. Пыр пелькöдчам шойна вылын и грездын. Ичöт грездад олöмным ас сайын. Уджалам, ас вынъясöн бурмöдам олöм, — сёрнитiс Егор Федосеевич. 
Гижöд да снимок Марина ДАДАШОВАЛÖН. 


Комментарии:

Добавить комментарий

Свежий выпуск: за 23 ноября