Сентябрсянь нин мунö 2014 во кежлö газетъяс да журналъяс вылö гижöдчöм, кодъяс лыдын и тiянлы бура тöдса «районка» — «Парма гор» газет.
Локтан воын сiйö водзö кутас ассьыс туйвизьсö, петкöдлас районлысь збыль олöмсö, бурторъяс кындзи казялас и тырмытöмторъяс.
Водзö лоöны топыдöсь йитöдъяс газетлы отсасьысьяскöд — местаяс вывсянь гижысьяскöд. Сiдзжö водзö лоöны, гаж петкöдлöмöн, сиктъясын да посёлокъясын олысьяскöд аддзысьлöмъяс, петасны талы сиöм номеръяс.
«Парма гор» водзö йöзöдас творчествоö сетчöм йöзлысь кывбуръяс, висьтъяс, сьыланкывъяс да с.в., кодъяс петасны «Эжва» да «Шердын» лист бокъяс вылын.
2014 воын бара лоö медбур кывбур, висьт да очерк вылö конкурс.
2014 во — газетлöн паса во: тырö медводдза номер петöмсянь 85 во. Такöд йитöдын петасны редакцияын öнiя и вöвлöм уджалысьяслöн, газеткöд ёртасьысьяслöн пасйöдъяс, водзынджык йöзöдлöм медся интереснöй гижöдъяс.
Юöртам, мый таво серти локтан во кежлö газетлысь донсö содтiм сöмын 3 шайт вылö да во гöгöр чöж лоö öткодь. Сiйö татшöм:
-öти тöлысь кежлö — 60 шайт 40 кöпейка;
-3 тöлысь кежлö — 181 шайт 20 кöпейка;
-воджын кежлö — 362 шайт 40 кöпейка.
«Парма гор» газетлöн редакция.