Сьöмöн отсалас «Севлес Форест Логистик»

[ A+ ] /[ A- ]

Районса администрация да «Севлес Форест Логистик» котыр костын социальнöй да экономика боксянь ёртасьöм йылысь сёрнитчöм серти вичмöдасны сьöм, медым Дзолльын вöчны спортплощадка да Зимстанын дзоньтавны школаса спортзал.
Зимстанын спортзал вöчлiсны 1991 воын, ворсанiнлöн ыдждаыс 450 квадратнöй метр. Талун сэнi нуöдöны физкультура урокъяс, ичöт футболысь да баскетболысь секцияяс. Зимстансаяс тшöкыда вермылöны ичöт футбол кузя районса ордйысьöмъясын оз янавны и республика тшупöдын. Татшöм спортзалыс ёнджык лöсялö лунвыв районъяслы, йиркыс 10 метра джуджта, тайö ньöти оз скодит миян поводдялы: тöлын кöдзыдъяс дырйи сынöдлöн температура нольысь улынджык. Медводз колö сiйöс поньтавны ― пуктыны шоныд кутысь öшалан йирк. Тасянь и босьтчасны вöчны «Севлес Форест Логистик» котырöн вичмöдöм сьöм вылö. Уджъясö арталöны кутчысьны 2013 волöн II кварталын.
Дзолльын абу спортöн занимайтчан да челядьлöн ни öти площадка. Велöдчысьяс ворсöны да ордйысьöны ывла вылын, та вылö лöсьöдöм кушинын. Спортплощадка кöсйöны вöчны Аэропорт местаын.

Комментарии:

Добавить комментарий

Свежий выпуск: 28 марта

Осторожно — мошенники!