— Сьöлöм вылын долыд, мый Сыктывкарса вöр институтын инженер-энергетикö велöдчöм бöрын веськалi Лунвыв электрическöй сетьяслöн районса юкöнö.

[ A+ ] /[ A- ]

Öд буретш танi Владимир Андреевич Кочановлöн котырын уджыштi велöдчигöн, пыдiсянь тöдмалi оборудованиелысь да би сетысьяслысь уджсö, — висьталiс диспетчер Станислав Леонидович Зезегов. 
Сiйö медводз вöлi электрослесарöн. Ыстылiсны велöдчыны Кировö да индiсны диспетчеравны. Туйдысьöн да велöдысьöн вöлi старшöй диспетчер Александр Иельевич Тарабукин. Диспетчерлöн лун и вой видзöдлас улын став подстанция, би визь, а сiдзжö лоöмторъяс бырöдысь, керкаясö би вайöдысь, би визь нюжöдысь котыръяслöн да мукöд удж. Диспетчер кусöдö би, кор котыр вöчасьö кутшöмкö юкöнын, да кутö накöд йитöд телефон либö рация пыр. Телефон пыр босьтö лоöмторъяс йылысь юöръяс. Пыр йитöда Лунвыв сетьясысь диспетчеръяслöн юкöнкöд. Станислав Леонидович кывкутö и юкöнса керка дорын подстанциялöн ыджыд оборудование вöсна, кытшовтö асыв, лун и рыт, мыйкö кö лоас — лöсьöдö либö корö котырöс. 
Гижöд да снимок Марина ДАДАШОВАЛÖН.

Комментарии:

Добавить комментарий

Свежий выпуск: 28 марта

Осторожно — мошенники!