Лöгинъягысь Лангари Разокхонович Абдуллоев служитiс Москва дорса Электросталь карын. Армияö мунтöдз районса военкомат зонмöс велöдiс водительö. Веськалiс сынöдсянь дорйысь войскаö. Сэнi нöшта велöдiсны веськöдлыны вына машинаöн, кöнi эм сынöд видзöдöм могысь быдсяматорйыс. Лангари веськалiс бур котырö, кöнi некод эз вывтiась. Велöдiсны, отсалiсны, туйдiсны тöждысьысь командиръяс. Мöвпыштiс служитны водзö, сэнi жö контракт серти.
Кольöм вося декабр панасын бергöдчис гортас. Водзö служитöмысь бать-мам эз сувтны паныд. Контракт серти служитны ышöдiс и ёртсö — Сергей Логиновöс, кодi служитiс Войвыв Осетияын.
-Кута служитны да велöдчыны водзö. Мöвпала олöмöс йитны армиякöд, — висьталiс Лангари Абдуллоев.
Гижöд да снимок
Марина Дадашовалöн.