Сиктлы сьöм

[ A+ ] /[ A- ]

Республикаса муниципалитетъяслы воас сьöм, медым пöртны олöмö ичöт балаяс. Сiдз, видз-му овмöс юкöнлы вичмас 860 сюрс, ньöбны сиктлы техника да оборудование — 239-ысь унджык сюрс да сöстöммöдны сикт-грездъяс 912 сюрс шайт. Татшöм кывкöртöд вöчис видз-му овмöс да сёян-юан кузя министерствоын видз-му овмöслы государстволысь отсöг сетöм кузя комиссия.
Сiйö öтсöгласöн ошкис тшак-вотöсысь вöлöга вöчöм могысь Мылдiн районлы, яйысь вöлöга вöчöм да кынтöм могысь Сосногорск районлы, йöлысь вöлöга вöчöм могысь Удора районлы оборудование ньöбöм да Чилимдiн районын йöлысь вöлöга вöчанiн выльмöдöм кузя балаяс.
Комиссия сiдзжö шуис торйöдны 235-ысь унджык сюрс шайт выльмöдны уджаланiнъяс «Помöсдiн» да «Пожöг» кооперативъяслы.
Сиктъяс сöстöммöдöм вылö торйöдöм сьöм мунас лöсьöдны Мылдiн районлы автобус виччысянiн, дзоньтавны сиктъяскостса туйяс Кулöмдiн районын да югзьöдны уна йöзöн гажöдчанiн Чилимдiн районын.
— Тайö этшаник сьöм, но тöдчанлуныс сылöн ыджыд, сы вöсна мый мунö йöзлысь олöм бурмöдöм вылö, — пасйис видз-му овмöс да сёян-юан кузя республикаса министр Анатолий Князев.
Видз-му овмöс да сёян-юан кузя министерство.


Комментарии:

Добавить комментарий