Быд лун лыддям газетысь, кылам радиоысь, аддзам телевизорысь, кутшöм шуштöм, повзьöдлана серпас артмö талун туйяс вылын. И оз сöмын республикаын, но и миян районын. Сiдз, дзик на неважöн кадысь водз орис олöмыс куим мортлöн. Тшöкыда туйвывса неминучаяс овлöны водительяслöн мыж вöсна. Оз босьтны тöдвылö öлöдан пасъяс, мунöны урчитöмысь ёна ыджыдджык öдöн, петöны панйöдны, но оз сюся видзöдны, абу-ö кутшöмкö падмöг. Тайö ставыс и вайöдö неминучаöдз. Сiдзжö миян районын сöмын тавося январын казялöма 14 водительöс, кодъяс пуксисны машина руль сайö гажа юрöн.
Найöс ньöти оз повзьöд, мый код юрöн руль сайö пуксьöм некымын дас пöв содтö туйвывса неминучаö веськавны позянлун, и тайö вайöдö ыджыд лёкторйöдз. Оз майшöдлы и сiйö, мый водительлы ковмас мынтыны 30 сюрс шайт штрап. Сiдзжö сылысь мырддясны право 1,5-2 во кежлö.
Пыдди пуктана водительяс! Корам тiянöс: лоöй сюсьöн туй вылын, ветлöй видзчысьöмöн. Кутöй вежöраныд, мый весиг ичöтик сорсьöм вермас ваöдны ыджыд шогöдз.
ГИБДД-лöн районса юкöн.