Сетiсны «Коми республикаса пыдди пуктана энергетик» ним.

[ A+ ] /[ A- ]

Апрель помын Кулöмдiнысь Владимир Андреевич Кочановлы уна вося бур уджысь, биöн могмöдан овмöс сöвмöдöмö ыджыд пай пуктöмысь Лунвыв электрическöй сетьяслöн районса юкöнöн веськöдлысь А.М.Тарабукин пöся чолöмалiс сiйöс да тайö пассö öшöдiс морöсас.
— Энергетика юкöнын Владимир Андреевич районын медводдза морт, кодлы вичмöдiсны тайö ыджыд нимсö, — висьталiс Алексей Михайлович. — Сiйö ыджыд сяма, водзмöстчысь, быдлаö кокниа кыпалысь морт.
Лунвыв электрическöй сетьяслöн районса юкöнын Владимир Андреевич 1993 восянь. Босьтчылiс электромонтёрöн, вöлi мастерлы отсасьысьöн, бöръя кызь восö — Кулöмдiн юкöнса мастер. Сылöн видзöдлас улын некымын сикт-посёлок. Зiльö, мед сэнi пыр вöлi би. Кусас кö, öдйö кыпöдö 15 морта котырсö, либö ачыс петö корсьны неминучасö да бырöдны сiйöс. Петкöдчылiс энергетикъяслöн районса, республикаса, регионъяскостса ордйысьöмъясын да петалiс медбуръяс лыдö. Бур уджсö пасйылiсны республикаса юралысьлöн почёт грамотаöн.
Галина НЕСТЕРОВА.
Гижысьлöн снимок вылын: А.М.Тарабукин чолöмалö В.А.Кочановöс.


Комментарии:

Добавить комментарий