Май 9 лунö районса юралысь Д.А.Шатохин чолöмалiс районса ветеранъяслöн райсöветса президиумö пырысьясöс Победа лунсянь 68 во тырöмöн. Дмитрий Александрович аттьöалiс ветеранъяслöн райсöветса председатель Г.А.Кравченкоöс бур уджысь да козьналiс ветеранъяслöн котырлы 2 компьютер. Тайö ыджыд козиныс вичмис Коми республикаса Государственнöй Сöветсянь Российскöй Федерацияысь Федеральнöй Собраниелöн Федерация Сöветö пырысь сенатор Е.А.Самлойловсянь.
Ветеранъясöс чолöмалiсны да сиисны уджын выль вермöмъяс райадминистрацияöн веськöдлысьöс вежысь Н.А.Левченко да районса Сöветöн веськöдлысь А.Н.Кондрашкин.
Г.А.Кравченко аттьöалiс районса юралысь Д.А.Шатохинöс да районын социальнöй юкöн вöсна кывкутысь Н.А.Левченкоöс уджын отсалöмысь. Колана да öнiя кадлы лöсялана козинысь аттьöалан кывъяс висьталiс и Е.А.Самойловлы. Г.А.Кравченколöн кывъяс серти, ветеранъяслöн котыр виччысис компьютеръяс 2 гöгöр во нин, и Евгений Александровичлöн зiльöмöн налöн мöвпныс збыльмис.