Районса олысьяслы бура тöдса Александр Иванович Кулясовлöн нимыс.

[ A+ ] /[ A- ]

Чувашияысь Алатырса вöр техникум помалöм бöрын локтiс Комиö, босьтчис уджавны Кулöмдiнса лесхозын инженер-механикöн, «быдмис» лесхозса директорöдз. Уна во уджалiс Кулöмдiн районса юралысьöс вежысьöн. Александр Иванович сетiс ыджыд тöдчанлун коммунальнöй овмöс сöвмöдöмлы: сы дырйи вужвыйöн дзоньталiсны ломтысянiнъяс да шоныд сетан визьяс Кулöмдiнын, Помöсдiнын, Немдiнын, Ручын, Кебанъёльын, Зимстанын. Сылöн водзмöстчöмöн нюжöдiсны юрсиктын ва визь. А.И.Кулясовлöн водзмöстчöмöн кыпалiсны Ручын да Улыс Вочын школаяс, Немдiнын да Югыдъягын бурдöдчанiнъяс. Александр Иванович пуктiс тöдчана пай туйяс да посъяс вöчöмö.
Талун А.И.Кулясов шойччöг вылын, но гортас весь оз пукав: сiйö райсöветса депутат, вöлi администрация бердын общественнöй сöветö пырысьöн. Ёна зiльö, мед чинтiсны коммунальнöй услугаясысь донъяс.
Райсöветса депутатъяслöн декабр 14 лунся чукöртчылiгöн Александр Ивановичлы сетiсны районса пыдди пуктана олысьлысь ним.
Лидия ЛИПИНА.
Гижысьлöн снимок вылын: А.И.Кулясов — районса пыдди пуктана олысь.


Комментарии:

Добавить комментарий

Свежий выпуск: за 18 января