Районса культура керкаын туристалöм сöвмöдöм йылысь сёрнитны чукöртчылiгöн фойеын петкöдлiсны и районса енбиа йöзлысь вöчöмторъяс, кодъяс лыдын вöлiны Кебанъёльысь Евгения Петровна Зезеговалöн кыöмторъяс — плед, гöгрöс джодждöраяс, шапкаяс, челядьлы паськöм, кепысь-носкияс да мукöдтор.
Ачыс вöччöмöн пукалiс сэнi жö да кысис. Нюмъялöмöн вочаалiс быдöнöс, но кысьöмсьыс эз эновтчыв, сёрнитiгмоз зiля босьталiс емнас петля бöрся петля. Лунöн вермö кыны шапка ли кепысь-носки.
Евгения Петровна Молдавияысь. Коми муын 40 воысь дырджык. Танi петiс верöс сайö, кодкöд 1984 воын овмöдчисны Кебанъёльын. Гозъялöн вит пи, бöръяыс, Иван, тайö лунъясö лöсьöдчö мунны армияö. Шойччыны петöм бöрын öтарö кысьö. Коймöд во ветлöдлö районса культура керкалöн кысьыны велöдан «Эзысь сунис» котырö, кодöн юрнуöдö И.И.Наумик. Кыöмторъяснас пасьтöдiс нин став матыссасö да рöдвужсö. Кысьö и йöзлöн корöм серти. Унатор иналö козинъяса аслас лавкаын. Жырсö дон босьттöг кöртымавны вичмöдiс «Империя добрых услуг» котыр. Вузасьö середаö да пекничаö. Ставыс инасьö зэв бура.
Гижöд да снимок Галина НЕСТЕРОВАЛÖН.
Свежий выпуск: 25 апреля
Осторожно — мошенники!
Комментарии: