— Куканьыд дзоля кага кодь. Вайсьöм бöрын мам дорсьыс торйöдöны 10 лун мысти. Найöс велöда сёйны. Быттьö дзоля кагаяслы, зэв лöсялöны мелi да шоныд кывъясыд, сёрнитöмыд да шыльöдöмыд. Талун менам дöзьöр улын 75 кукань. Медся пöсь кадыс тулыснас, мöсъяслöн вайсигöн. Гожöмын арöсысь ыджыдджыкъясöс лэччöдам Кырныша дорса йирсянiнö. Сэнi олöны арöдзыс. Тырсяласны кö да эм кö кытчö сувтöдны, вуджöдам нин мöсъяс дорö. А оз кö, дзоляяскöд öттшöтш лелькуйтам водзö, матö кык арöсöдз, — сёрнитiс Нина Николаевна, кодi видз-му овмöсын сизим во. Во джын вöлi лысьтысьысьöн, а сэсся вуджис куканьяс дорö. Найöс бура видзöмысь да тшöгöдöмысь том аньöс районса администрацияöн веськöдлысь С.В.Рубан пасйис почёт грамотаöн. 
Гижöд да снимок Марина ДАДАШОВАЛÖН.