Пытшкöсса делöяс кузя министерстволöн районса туясян юкöнысь Андрей Владимирович Попов мунiс Владимир Леонидович батьыслöн кок туйöд, кодi вöлi туясьысьöн, сэсся дознание юкöнса начальникöн, а öнi адвокат.

[ A+ ] /[ A- ]

Шöр школа помалöм бöрын велöдчис Москваса государственнöй юридическöй университетлöн Кировса институтын, тшöтш кык во ветлöдлiс Кировса туясян комитет бердын велöдчанiнö, кöнi вöлi туясьысьлы отсасьысьöн, да петавлiс лоöмторъяс вылö. Велöдчигöн кыкысь уджыштiс районса туясян юкöнын да татчö жö и локтiс армияын служитöм бöрын.
— Туясьны босьтчöмсянь март 20 лунö тырис во. Туй вылын ыджыд неминуча вöлi регыд на, уджалi сэнi. Туяла и сберкартаяс гусялöм. Кодсюрö сы вылö гижöны кодсö либö картанас кодöскö мöдöдöны лавкаö да мортыс сэсся оз лок. Кольöм вося сентябрын эштöдiм гусясьöм кузя туясьöм. Асшöр уджалысьлöн уджаланiнысь вошис 40 килограмм сьöкта сейф, кöнi вöлi 250 сюрс шайт. Тыра машинаысь ректысигöн некод эз казяв, кодi тайöс вöчис. Ылöсалöмöн гöгöрвоим, кодi, но мортыс пыксис, эскöдiс, мый татшöм сьöкыдсö öтнас петкöдны некыдз эз вермы. Туясим понкöд, кодi нуöдiс уджаланiнкöд орчча машинаяс сулаланiнö. Бур, мый сэнi вöлi видеокамера, кытысь и аддзим сейф кыскысьöс. Висьтасис, мый сёрнитчис öти морткöд да нуис сылöн машинаöн. Сейфсö жугöдiс, но видзны став сьöмсö эз удит. Удж сьöлöм серти. Колiгъясöн шыöдчыла бать дорö, — висьталiс том туясьысь.
Гижöд да снимок
Марина ДАДАШОВАЛÖН.


Комментарии:

Добавить комментарий

Свежий выпуск: за 13 декабря