Пытшкöсса делöяс кузя министерстволöн районса туясян юкöнын 7 уджалысьысь вит ань. Анастасия Васильевна Касева медся том.

[ A+ ] /[ A- ]

 Сыктывкарса госуниверситетысь юридическöй факультет помалöм бöрын коймöд во. Волiс районлöн матö быд пельöсö.
— Öтчыд дежуритан юкöнö воис юöр, мый сиктса лавкаысь вошис уна сьöм. Асывнас, кор локтiсны уджалысьяс, öдзöс вöлi томана. Дзоньöсь öшиньяс да öдзöсъяс. Эз тыдав, мый кодкö пыралiс жугöдчöмöн. Медводз чайтi, мый сьöм гусялiс кодкö уджалысьяс пиысь. Но, вöлöмкö, пыралöма öти уджалысьлöн öтлаын олысь айлов. Кор ань унмовсис, сiйö босьтiс ключ чукöр, коддзöдантор да локтiс лавкаö, пырис вузасянiн войнас видзысь ань дорö. Мавтiс кывнас сiйöс радейтöм йылысь, öтарö юктöдiс, да кор аньыд «сылiс,» дзикöдз коддзис да ланьтiс, пырис пытшкас да «ректiс» сьöм видзан шкап. Со мыйöдз вайöдö удж вылын юöм да эскöм. Вузасянiнын эз вöв снимайтан камера, сигнализация, сiйöс эз вöв йитöма вневедомственнöй охраналöн пульткöд да айлов чайтiс, мый сiйöс оз кыйны, — висьталiс Анастасия Васильевна.
Гижöд да снимок Марина ДАДАШОВАЛÖН.

Комментарии:

Добавить комментарий

Свежий выпуск: 28 марта

Осторожно — мошенники!