Мысысь крестьянин овмöс кутысь Евгения Александровна Кузнецова вежонöн заптiс 23 тон-на турун да ставсö вайис горт дорас, сюйис лэбувъ-ясö. 
— Бур, мый эм быдсяма техника — «Беларус» да гу-се-ницаа кык трактор, гöр, культиватор, ытш-кан, турун топöдан агрегатъяс, турун новлöдлан машинаяс. Иван Михайлович верöсöй ставсö и бергöдö, — висьталiс ань. 
Евгения Александровналöн 10 гектар видз сикт бокын. Сэнi и пуктысис. Эм нöшта 20 гектар мöд-лапöлын, но сэнi турун омöль. Колö ньöбны кöйдыс да кöдзны, но таво эз на артмы. 
Ас нянь вылö петiс кык во сайын. Отсалiс рай-онса администрация. Босьтчигöн кö вöлi öти мöс, кукань да öшпи, то талун 5 мöс да 8 кукань. Ар-нас кык куканьöс кöсйö начкыны. Тöвйыны кöрым тырмас, содтöд лоас и картупель. Кольöм воын босьтлiс 30 килограмм сьöкта 42 мешöк. Таво виччысьö унджыкöс. Таво пуктiс скöтлы и мöс сёркни. 
— Ыдждöдышта öти лэбув. Мича лунъясö позяс нöшта вöчны вит тонна турун, — кывкöртiс верöсыс. 
Марина ДАДАШОВА. 
Елена Паршуковалöн снимок вылын: Е.А.Кузнецова верöсыскöд.