Помoсдiнын

[ A+ ] /[ A- ]

* Помoсдiнын 3 сюрс во сайын овлoмаoсь нин чудьяс, бoрынджык ? йoгра, кодъясoс зыряна «йoткoмаoсь» Урал сайo. 1660 вояс бoрын татчo локтiсны Немдiнысь Игнатовъяс да Мысысь Кармановъяс. Сэк жo oнiя Вoльдiнo Висерсянь локтiсны Уляшевъяс. 1706 воын Помoсдiнын лэптiсны медводдза вичко, сэсянь овмoдчанiн босьтiс сиктлысь тшупoд.
* 1824 воын восьтiсны кирпичысь лэптoм Успенскoй вичко. Неважoн воссис пуысь вoчoм Спасскoй вичко. Гоз-мoд во Помoсдiнын нуoдoны Успенскoй ярмарка. Тавося август 26 лунo сиктса войтыр да гoстьяс бара на номсасисны быдсяма чoскыдторйoн да кыпыда гажoдчисны.
* Сиктысь петiс уна нималысь морт. На лыдын Вениамин (Тима Вень) да Иона Чисталёвъяс, Фёдор Попов (Вась Педoр), Россияса заслуженнoй артистъяс Юлия Оботурова (Трошева) да Пантелеймон Мысов, СССР-са народнoй учитель А.В.Уляшев, академик, Социалистическoй уджвывса Герой В.Н. Старовский да мукoд.
* Помoсдiнын талун 1508 морт. Сиктса администрация улo нoшта пырoны Кырныша, Скoрoдум, Мoдлапoв, Бадьёльйыв, Сордйыв, Ягслудабoж да Oлек грездъяс. Администрацияoн веськoдлo А.И.Ужицкий.
* Кольoм воын кувсис 16 морт, чужис 17 кага.
* Сиктын 552 овмoс. Томъяс лэптoны керкаяс. «Аэропорт» местаын чужис микрорайон. Кодсюрo майшасьoны керка улo места абутoм вoсна.
* Кольoм воын Тима Вень нима Помoсдiнса школа пасйис 150 вося юбилей. Талун сэнi 350 гoгoр велoдчысь да 50 велoдысь. Уна во школаса директорoн уджалo Ф.Э.Линдт. Челядьлы пыр на лоo велoдчыны торъя керкаясын. Помoсдiнсаяс виччысьoны выль, кирпичысь тэчoм, школа.
* Сиктын эм школалoн чужан му туялан да Тима Веньлы сиoм музейяс.
* Дзоньталoны культура керка, кодoн веськoдлo В.В.Соколюк. Уджавны лоас кыпыдджык, йoз кутасны волыны унджыкoн, культураса уджалысьяс шедoдасны ыджыдджык вермoмъяс.
* Бура уджалo больнича (веськoдлo Л.С.Уляшева), кoть кутшoмсюрo врачьяс оз тырмыны.
* Сиктын эм государственнoй аптека. Кoсйoны восьтны и коммерческoйoс.
* Уна вузасянiн, кодъяс могмoдoны быдторйoн. Медтoдчанаясыс «Весна», «Всё для вас», «Эмбур», «Чистодом», «Аэропорт».
* Эм сельпо, кодoн веськoдлo Г.И.Чисталёва. Помoсдiнын да орчча грездъясын эмoсь вузасянiнъяс, йoзoс чoскыда вердo сельполoн кулинария.
* Тырвыйo уджалo Помoсдiнса видз-му овмoс кооператив (правлениеoн юрнуoдo Т.В.Уляшева). Заптiсны тырмымoн турун да силос. Коркo восьтасны вый вoчан завод.
* Помoсдiн гoгoрын ыджыд котыръяс пиысь пoрoдчoны «Монди»-o пырысь Вылыс Эжва юкoн да «Оптималес».
* Медся нималанторъяс лыдын Помoсдiнса метеорит. Сiйoс аддзисны Эжва сайысь 1964 воын. Сiйo — Коми республикаын дзик oти метеорит, кодoс официальнoя примитiсны ученoйяс. Oнi сiйo Москваын, наукаяс академиялoн музейын

Комментарии:

Добавить комментарий

Свежий выпуск: 28 марта

Осторожно — мошенники!