Быдми ме Ручын да танi и ола. Бать-мам уджалiсны, менö кольлiсны пöчкöд. Сiйö висьтавлiс уна-уна вöвлöмтор йылысь.
Олiсны-вылiсны Ручын гозъя. Налöн вöлiны öтпырйö чужöм кык пи, но мыйлакö эз лöсявны öта-мöдыскöд. Коркö воисны аскежся олöмöдз. Батьыс сувтöдiс найöс воча да шуис:
— Тi, пиян, он вермöй овны öтлаын да ме тiянöс торйöда. Тэ мунан лунвылö, а тэ — войвылö.
А сэсся содтiс: «Пока!»
Сэсянь и лоисны Лунпока да Войпока грездъяс.
Петыр цар, кор гижöдiс йöзöс, тшöктiс гижавны ли лöсьöдны овъяс. Öти гижöдысь сёрмис Аныбын да узьмöдчис бöръя керкаын. Водалiгöн кöзяин чуйдiс, мый Аныб да Руч костын эм Öлек грезд, кöнi олöны жö, да мед кежалас.
— Как дойти? — юалiс гижöдысь.
-Водз асывнас, по прямой — по чарöму, лыбан на.
Гижысьыд став олысьлы пуктiс Лобанов ов. Öнi на эм вужйыс.
Со тадзи висьтавлiс пöч. Сiйö кö пöръялiс, и ме пöръялi.
Евгений РАСОВ.
Руч.