Пасйöма дипломöн

[ A+ ] /[ A- ]

Нянь пöжалан Кулöмдiнса завод коймöдысь петкöдчис «Республикаса медбур тöваръяс да услугаяс» конкурсын. Сылысь бур да чöскыд няньсö экономика сöвмöдан министерство бара пасйис дипломöн. Вермöмъясын ыджыд пай технолог Светлана Францевна Поповалöн (снимок вылын), кодi кывкутö нянь пöжалöм вöсна 25 во нин. Видзöдö, мед пöжасьысьяс колананог кöтiсны няньшом, пöжалiсны колана жарын, бöрынджык уна боксянь донъялö артмöм пöжасъяс.
— Таво нулiм катшасин мыгöра нянь. Воддза воясö петкöдчим кöлачöн да крендельöн. Чöскыд пöжасъясöн пыр вузасям районса да республикаса ярмаркаяс, быдсяма гажъяс вылын. Миянлысь вöчöмторъяс ньöбалöны зэв бура. Кутам водзö пöжавны выльторъяс, мед районсаяс бöрйисны миянлысь вöлöга — висьталiс С.Ф.Попова.
Конкурсын нöшта петкöдчис Кулöмдiнса сельпо, кодöс пасйисны дипломöн йöзлы услугаяс сетöмысь. Дипломöн донъялiсны и предприниматель П.М.Поповöс, кодi конкурс вылö нулiс пöжасъяс.

Комментарии:

Добавить комментарий

Свежий выпуск: 28 марта

Осторожно — мошенники!