Пасйисны повтöмлунысь

[ A+ ] /[ A- ]

Апрель нёльöд лунö Керчомъяса культура керкаын, кор чукöртчылiсны сиктсаяс кывзыны юралысь Н.А.Лодыгиналысь кольöм воын вöчöм удж йылысь, повтöмлунысь нимöдiсны сизимöд классын велöдчысь Александр Игнатовöс. Март помын сiйö кусöдiс бипур, эз лэдз билы паськавны водзö.
Вöлi рöмыд нин. Культура керкаса директор Нина Дмитриевна Булышева восьлалiс гортас да казялiс öти керка дорысь ыпъявны босьтчысь бипуръяс. На дорö матынджык вöлi туй кузя воча локтысь Александр да горöдiс сылы. Зонка босьтiс синъяс улас усьöм зыр да зэв тэрыба öзйöминъяссö кусöдiс лымйöн.
— Öзтысис керкаса олысь. Александр пöдтiс бисö кусöдчысьяслöн вотöдз. Эска, мый сы вылö видзöдöмöн оз лоны веськодьöн и мукöд велöдчысьяс, — пасйис участокса уполномоченнöй Андрей Викторович Тимушев, кодi шыöдчис сиктса юралысь дорö, мед зонмöс пасйисны повтöмлунысь.
Александр сöмын гоз-мöд лун мысти висьталiс ыджыд мамыслы, а сiйö нин зонкалöн мамлы. Вежавидзысь, кöть и волiс культура керкаö, эз пет йöз водзö. Сиктса юралысь нимсянь почёт грамота да козин сылы велöдчысьяс водзын сетiсны школаын.
Марина ДАДАШОВА.

Комментарии:

Добавить комментарий

Свежий выпуск: 28 марта

Осторожно — мошенники!