Победа-71. Найöс ог вунöдöй

Миян Помöсдінын эм Великöй Отечественнöй война вылын усьöмъяслы пас. Сійö сикт шöрын, козъяс да пожöмъяс пöвстын. Кöрт вылö гижöма матігöгöрса грездысь усьöмъяслысь нимъяс.
Война вылын усьöмъяслы пас лöсьöдöм йылысь сёрнитiсны олöмаяслöн чукöртчылiгöн 1970-öд вояс панасын. Ышöдысьöн вöлi СССР-са народнöй велöдысь Александр Васильевич Уляшев — школаса вöвлöм директор да математика велöдысь, фронтöвик.
Кутшöмöн лоны пасыс-лы, серпасалiс А.В.Уляшев, а подувсö кирпичысь вöчисны жилкомхозын уджалысьяс, сэсся штукатуритісны. Но тадзи вöчöм пас кутіс надзöникöн киссьыны. Кöть Александр Василье-вич быд во выльмöдыштiс, мавтіс, век жö пасыс мисьтöммис.
Победа лунсянь 45 во тыригкежлö пассö вöчисны кöртысь. Серпасалiс бара жö А.В.Уляшев. Мыгöрыс лоис мöд: георгиевскöй лента весьтын сулалысь каскаа сöветскöй салдат. Тайö пасыс сулалö и талун. Выльмöдалö-лöсьöдалö серпасасьны велöдысь Ольга Вениаминовна Шебырева.
Быд во татчö чукöртчылöны май 9-öд да война пансян лунö казьтыштны ставнысö, кодъяс дорисны миянлы шуда олöм. Уджалысь быд котыр пуктö кытшъяс, сиктса йöз вайöны дзоридзьяс, велöдчысьяс лыддьöны войналы сиöм кывбуръяс, став сиктöн сьылöны войнадырся сьыланкывъяс.
Талун кежлö миян сиктын сöмын öти фронтöвик – Фёдор Пантелеевич Алтухов. Но мукöдыс, кодъяс абуöсь нин миянкöд, век лоöны миян сьöлöмын. Ми некор ог вунöдöй найöс. Таво пассö выльмöдiсны. Сiйö сулалас нöшта уна-уна во, кутас казьтывны найöс, кодъяс мездiсны фашизмысь мир.
Ксения КАРМАНОВА,
7 класс.
Помöсдiн.
Читать далее

Победа-71. Восьтiм торъя жыр

Босьтчим чукöртны гижöдъяс, снимокъяс да мукöдтор фронт вылö ветлысьяс, тылын уджалысьяс да войнадырся челядь йылысь.
Фронт вылö мунысьяс йылысь корсянторъяссö чукöртам «Найö кувлытöмöсь» ним улын. Талун кежлö тöдмалiм, мый миян Вöльдiнысь фронт вылö мунiс 199 морт. Война помын локтiсны Ручысь

Читать далее

Лоас сöстöм

«Пожöг» овмöдчöминса администрация пырöдчис ичöт балаяс дасьтöмö.
Вичмöм 330 сюрс шайт вылö бырöдасны да сöстöммöдасны Пожöгдiн грезд сайысь шыблас чукöртанiн. Став уджсö колö сигöртны сентябр 10 лунöдз.

Лоисны мöдöн

Майын юркарын мунiс велöдчысьяслöн «Президент нима спорт ворсöмъяс» Ставроссияса спорт ворсöмъяслöн регионса тшупöд.
Пырöдчисны республикаса кар-районъясысь, тшöтш и Кулöмдiнысь, вит котыр. Быдын 22 морт — дас ныв, дас зон да кык тренер. Ывлавывса баскетболысь ворсöмöн зонъяс лоисны медводдзаöн, нывъяс —

Читать далее

Сотчисны Джеджимын

Май 28 лунö ёна ковмис кусöдчыны Джеджимын.
Сотчис ыджыд овмöс, кöнi олiс öкмыс морт: ыджыд керка, кык пывсян, гараж, гожся пусянiн, гид, кык машина. Вермисны дорйыны биысь орчча выль керка, кодöс кыпöдöны на. Сотчалыштiсны кöзяиныс да кöзяйкаыс, öнi куйлöны районса бурдöдчанiнын.
Мыйла öзйис, туялöны.

Свежий выпуск: 28 марта

Осторожно — мошенники!