Июнь 30 лунö вöйшöрын Мылдiн-Сыктывкар туйлöн 176 километр вылын туйпöлöнса кöрт потшöсö зурасис да пöрис КАМАЗ-лöн пиломатериал тыра прицеп.
Прицепыс жугалiс, пиломатериалыс киссис. Водитель вöлi садь, эз доймав. Суд вöчас кывкöртöд, уна-ö воштöм лоис да мыйта ковмас вештыны водительлы кöрт кутöдсö жугöдöмысь.

Москваын мунiс арбалетысь лыйсьöм кузя Россияса ордйысьöм, кöнi вöлi и Тимшерысь Екатерина Паршукова (1997 воын чужлöм).
12 регионысь 94 спортсмен пöвстысь Екатерина лоис коймöдöн. Россияса öтувъя котырын сiйö петкöдчас арбалет кузя Европаса тшупöда ордйысьöмъясын Цюрихын.

Таво районса садъясысь школаö петiс 385 кага, кольöм воын серти 13 мортöн унджык.
Велöдчан во панасын садъясö локтас матö 400 ичöт морт. Сикт-посёлокъясын кö веськавны садйö кокни, то юрсиктын öчеред. Сентябр 1 лунö пырас 88 кага, 69-лы ковмас на пукавны гортас.

Июнь 24 лунö «Пожöма яг» турбазаын воссис водзмöстчысь челядьлöн, пионеръяслöн «Лидер» лагер.
Татшöмыс медводдзаысь на. Танi дас морта куим отряд. Быдöнлöн аслас ним, шуанпас. Куимнанныс пырöны Зоя Космодемьянская нима дружинаö. Öтувъя линейка вылö чукöртчылiгöн ставныс öткодь паськöмаöсь, гöрд пилоткааöсь да

Читать далее →

Ярашъю да Улыс Ярашъю туй улö сюйисны ва мунан труба.
Тайöс вöчис асшöр уджалысь Р.В.Третьяков. Кольöм воын пуктылiсны нин öти труба. Вöчисны сы могысь, мед тулысын да арын эз сулав ва, эз тшыкöд туй, кытi автобусöн новлöдлöны велöдчысьясöс.