Лоис виччысянiн
Ичöт бала серти Ульянаын вöчисны автобус виччысянiн.
Баласö дасьтiс районса администрацияысь туйяс кузя юкöн. Вöчис юркарса «Лидер» котыр, кодi таöдз автобус виччысянiнъяс лöсьöдiс Кулöмдiнса Аэропортын да Бадьёльйылын.
Выль керка дорö туй
Асшöр уджалысь Р.В.Третьяков юрсиктын вöчис батьтöм-мамтöм челядьлöн да мирöвöй судлöн выль керка дорöдз бура паськыд кöжа туй.
Керка дорö кежан туй улö сюйисны труба, орччöн вöчисны машинаяслы сулаланiн. Локтан воын выль керка дорсянь нарсудöдз вöчасны асфальт.
Талун районын республикакöд тшöтшъя квайт морт
На лыдын Парчлöн катыдпомысь Антонина Тимофеевна Карманова. Нэмсö уджалiс видз-му овмöсын — «Сталинец» колхозын, а сэсся Немдiнса совхозлöн Парч юкöнын, кöнi вöлiны зэв ыджыд видзьяс да муяс. Антонина Тимофеевна бергöдiс став сьöкыд уджсö: вöлi кер дорын, ваялiс видзьяс вылысь турун, новлöдлiс вöлöн Немдiнö йöв, тшöгöдiс куканьясöс, видзис ыжъясöс. Öнi сы вöсна Мария Николаевна гöтырыскöд тöждысьö Василий пиыс.
Читать далее