Август 12 лунö юрсиктын лоис туйвывса неминуча.
Водитель веськöдлiс «Дэу Нексияöн» да Пожегодская улича вылын зуралiс туй вывтi вуджысь нывбабаöс, кодi доймалiс, но эз ёна. Кыдзи тыдовтчис бöрынджык, ань вöлi гажа юра.

Уна петiс еджыд гоб.
Вылыс Ярашъюын Галина Валерьяновна Пашнина луннас примитö тонна гöгöр. Медводдза сортсö босьтö 75 шайтöн. Пыр на вотöны чöдлач. Лунся чукöртöмыс кайлö 300 килограммöдз.
Тшак да вотöс иналöны и Любовь Валериевна Игнатовалы. Пожöгын вайöны Ирина Михайловна Поповалы.

Читать далее →

Августын «Немдiн» овмöдчöминлöн администрация бердын уджалiс томъяслöн нёль морта котыр.
Школалöн гараж лöскö лэптiсны пилипызь, сиктлöн кывтыдын лöсьöдiсны öзйылöмъясысь ва видзанiн, культура керкалы тэчисны пес, сöстöммöдiсны сикт.

Ичöт бала серти Ульянаын вöчисны автобус виччысянiн.
Баласö дасьтiс районса администрацияысь туйяс кузя юкöн. Вöчис юркарса «Лидер» котыр, кодi таöдз автобус виччысянiнъяс лöсьöдiс Кулöмдiнса Аэропортын да Бадьёльйылын.

Асшöр уджалысь Р.В.Третьяков юрсиктын вöчис батьтöм-мамтöм челядьлöн да мирöвöй судлöн выль керка дорöдз бура паськыд кöжа туй.
Керка дорö кежан туй улö сюйисны труба, орччöн вöчисны машинаяслы сулаланiн. Локтан воын выль керка дорсянь нарсудöдз вöчасны асфальт.