Ва вежöдан лунö
Январ 19 лунö Кулöмдiнын вичкоувса Эжва йи вылö чукöрмылiс вель уна йöз. Вежа ай Александр вежöдiс креста йöрданысь ва, сиис ён дзоньвидзалун да кыпыд лов. Та бöрын йöз босьтiсны ва, волiсны весиг флягаясöн, канистраясöн да ведраясöн, медым сэсся мыссьыны пывсянын.
Помöсдiнса школалы тырас 155 во
Таво июнь 25 лунö В.Т.Чисталёв нима Помöсдiнса школа кутас пасйыны чужан лун — 155 во тырöм. Та кузя кадöн школа помалiс куим сюрс сайö морт. Эм ыджыд кöсйöм — тшупöда пас кежлö лэдзны школалöн кольöм кад йылысь да сiйöс помалысьяслöн
Вермис Елизавета Наумова
«Монди» компания котыртлiс велöдчысьяс пöвстын серпасъяслысь «Сöстöм вöр» республикаса конкурс.
Вермис Кулöмдiнса шöр школаысь 7 «а» клас-сын велöдчысь Елизавета Наумова, кодi петкöдчис «Челядь сöстöммöдöны вöр» серпасöн. Январ 14 лунö конкурс котыртысьяс Кулöмдiнö волöмöн вичмöдiсны вермысьлы дона козин.
Став серпасысь вöчасны
Школалы козин
Выль во водзын Немдiнса шöр школаö волiс «Лессервис» котырса генеральнöй директор Михаил Александрович Конаков.
Выль школалы сiйö вичмöдiс комын сюрс шайт. Сы вылö ньöбисны лавкаса коз, код гöгöрын и гажöдчисны, да велöдан эмбур.
Вöлiны и миян районысь
Январ 16-17 лунъясö Кöрткерöсын велöдчысьяс да том йöз корсьысисны пасъяс лыжиöн котралöмöн.
Ордйысьöмсö сиисны СССР-ысь спортса мастеръяс чойяс Нина да Галина Забоеваяслы. Республикаса кар-районъясысь петкöдчис 18 котыр. Кулöмдiнса котырысь медбура петкöдчисны Иван да Анастасия Поповъяс, Михаил Игнатов да Сергей Ключко.
Свежий выпуск: 18 апреля
Осторожно — мошенники!
