Отсалiс «Монди СЛПК» 

[ A+ ] /[ A- ]


Быд во социальнöй ёртасьöм кузя сёрнитчöм серти «Монди СЛПК» вичмöдö районлы сьöм. Сэтысь юкöн мунö велöдчанiнъяс дзоньталöм вылö. Таво вичмис Мысса школа-садлы, Кебанъёльса школалы да Кулöмдiнса мöдöд номера садлы. Выль велöдчан во кежлö ставыс нин дась. 
Зэв ёна дзоньтасисны Кебанъёльса школаын, сылöн весиг вежсис чужöмбаныс. Нёль жырйысь лöсьöдiсны джоджъяс — разьлiсны да вежлалiсны пöвъяс, вольсалiсны линолеум. Лыддьысянiнö да директорлöн жырйö пукталiсны öшиньяс. Став вылас мунiс 950 сюрс шайт. Июнь-июльын вöчасис «Евро-уют» котыр. 
Медводдзаысь на вужвыйöн дзоньталiсны Кулöмдiнысь мöдöд номера сад. Вичмöдлiсны 650 сюрс шайт, ёна отсалiсны спонсоръяс. Садйын разьлiсны джоджъяс, вольсалiсны выль пöв, пуктiсны линолеум. Группаясын, асмогасянiнын да пöрччысянiнын стенъяс лöсьöдiсны гипсокартонöн. 
Вöчасис сiдзжö «Евро-уют» котыр. Уджалiсны бура, ставсö эштöдiсны ас кадö. Выльмöдöм сад ёна воис сьöлöм вылас бать-мамлы. Чайтöмöн, челядь нöшта на окотапырысьджык кутасны волывлыны садйö. 
Галина КЛЮЖЕВА. 
Екатерина ТИМОХОВАЛÖН 
снимок вылын: дзоньталöм сад.


Комментарии:

Добавить комментарий

Свежий выпуск: за 28 февраля