Март 16 лун ыджыд нимкодьлун вайис батьтöм-мамтöм кык том мортлы — Л.В.Филипповалы да И.В.Паршуковлы. Кулöмдiнса администрацияö корлöмöн налы вичмöдiсны патераяслысь ключьяс.
Медводз районса администрацияöн веськöдлысь С.В.Рубан чолöмалiс том йöзöс дыр виччысяна оланiнöн, аттьöалiс асшöр уджалысьöс, кодi кыпöдö Выльгортын батьтöм-мамтöм том йöзлы оланiнъяс. Керкаыс кык семьялы, шоныд да кыпыд. Оланiнъяс лэптöны торъя уджтас серти, воöн вичмö 20-23 мортлы.
Л.В.Филиппова висьталiс:
— Менам семьяын верöс, ачым да кык челядь. Виччысим нин некымын во. Дерт, долыд, öд лоис асланым оланiн. Вуджим уна сьöкыдлун. Ме ачым водзтi олi Смолянкаын, верöс Изьваысь.
И.В.Паршуков Мысысь. Öтнас кольöм бöрын сiйöс босьтiс Помöсдiнö ичиньыс. Выль оланiнысь нимкодь, сэнi лöсьыд. Зон öтнас на, но öнi лоис кытчö вайöдны гöтырöс да лöсьöдны ён семья.
Галина КЛЮЖЕВА.
Гижысьлöн снимок вылын:
том йöзлы ключьяс сетiгöн.