Январын Носимса кыр йылö чукöртчис уна йöз. Нывъяс котöртiсны лыжиöн 500 да 1000, зонъяс — кыкысь 1500 метр. Артмöдiсны квайт котыр, кытчö пырисны верстьö да челядь. Медся олöмаыс вöлi 1967-öд, а медся ичöтыс — 2008-öд восяяс. Ставныс найö водзтi да öнi спортшколаö ветлысьяс. «Спартакиада поколений» ордйысьöм петкöдлiс, мый том йöз оз сетчыны верстьöлы, а бöръяясыс став вынсö сетöны вермöмлы.
Медся тэрыбöн лоисны спортшколаысь петысьяслöн котыр, кытчö пырисны Фёдор Нестеров, Екатерина да Иван Мишаринъяс. Мöдöн лоис котыр, кöнi вöлiны Александр Третьяков, Дарья Гилева, Николай Нестеров. Коймöдöн — спорт школаö öнiя ветлысьяс Михаил Копылов, Виктория Пименова, Даниил Попвасев.
Зэв нимкодь,мый дугдывтöг исласьöны ныв да зон. Котралöны воддза-водз асывсяньыс. Спорт сетö миянлы вын да эбöс. Меным дзолядырйи на пöль шулiс: «Донаöй, котралöмсьыд эн дугды, лоан медся ёнöн да бура кутас котравны вирыд. Оз кöвъясьны висьöмъясыд, оз кут юкавны кок. Котрав дитяöй зэв бура, лоас лючки гöгöрбок».
Дина ГИЧЕВА.
Кулöмдiн.