Ноябр 20 лун — кагалöн ставмирса лун

[ A+ ] /[ A- ]

Аньяслöн шудыс, дерт жö, челядьын. И кымын уна ныв-пи, сымын кыпыд лолаöсь. Таво Кулöмдiнысь Шаховъяслöн семьяын — кык пöвста шуд: чужис двöйни, Николай да Иван пиян. Мамыслы, Нина Николаевналы, нимкодь нин эськö таысь да, а батьыслöн, Алексей Николаевичлöн, шудыс морöсас оз тöр. Гозъя быдтöны нин кык нылöс, но бать дыр виччысис пиöс. И со öтпырйö кыкöс козьналiс гöтырыс. Öнi кагукъяс во джынсяöсь нин. Бать оз вешйывлы на дорысь, быдторйöн отсасьö гöтырыслы. Дзолюкъясöс лелькуйтöны и чойясыс, Вероника да Арина, кодъяс велöдчöны öтиыс сизимöд, мöдыс нёльöд классъясын. Кагаяс быдмöны-сöвмöны ас йöв вылын: гозъя видзöны мöс-кук. Асланыс и йöла-яя мукöд вöлöга.
Öнi Шаховъяслöн семья лыддьыссьö уна челядяöн. Сöмын мыйлакö государство оз артышт двöйни вайигöн семьяяслы отсöг сетöмсö. Кагаяскöд пукалöмысь мамлы тöлысьнас вештöны сьöм öти кага вылö мында. Сiдзжö шуöмаöсь вештыны и компенсация. Но öд пасьтöдны-кöмöдны да вердны колö кыкнансö. Öнiя кадö пö челядьöс быдтыны да кок йылö сувтöдны колö сöмын ас вылö эскöмöн, шуис ань.
Галина НЕСТЕРОВА.
Авторлöн снимок вылын: Н.Н.Шахова челядьыскöд

Комментарии:

Добавить комментарий

Свежий выпуск: за 2 апреля