Николай Степанович Шомысов

[ A+ ] /[ A- ]

Кык пилорама, гараж, ломтас-мавтасöн могмöданiн, столярка, нэмöвöйся стрöйбаын скöт карта, кöнi видзöны 77 мöскöс да дöзьöритöны сьöрсьöн-бöрсьöн чужысь куканьясöс. Тайö овмöс вöсна кывкутö «Помöсдiн» кооперативлöн Скöрöдумса юкöнысь бригадир Николай Степанович Шомысов, кодi совхоз дырйи танi вöлi веськöдлысьöн. Водзтi Скöрöдумын вöлi 140 уджалысь, видзлiсны 400 гöгöр мöскöс. 1980 воын пырисны кирпичысь кыпöдöм скöт картаö. Но 10 во и уджалiсны. Ставыс важмис, выльмöдны эз вермыны. Да и олöм дзугсис. Вуджисны бöр пу картаö, кодöс пыр на дзоньталiсны-пыкисны. Та вöсна ёна нимкодясисны, кор кольöм воын «Помöсдiн» кооператив вермис видз-му овмöс министерствоöн котыртöм «Ферма кыпöдöм да вужвыйöн вежöм» балаöн. Мартсянь нин колiс босьтчыны выльмöдны Скöрöдумысь 240 юр вылö кирпичысь кыпöдöм ферма. Сюрисны и Ижевскысь пöдрядчикъяс. Николай Степановичлöн котыр овмöслöн вöвлöм столöвöйын вöчис локтысь уджалысьяслы оланiн, пöрöдiс пывсян да мукöдтор кыпöдöм вылö вöр. Но республика сьöм эз сет, нюжöдiс 2016 воöдз. А район кольöм воын нин торйöдiс 3 миллион шайт. Кредит босьтас и кооператив. Николай Степановичлöн котыр босьтчас дзоньтавны вевт да стенъяс.
— 2016 воöдз скöт картаяс киссясны нин. Республика кö оз сет сьöм, то весьшöрö вöчисны Помöсдiнын йöлысь вöлöга вöчанiн, — сьöлöм дой висьталiс Н.С.Шомысов.DSC03346

Комментарии:

Добавить комментарий

Свежий выпуск: 28 марта

Осторожно — мошенники!