— Некор эг мöвпыштлы, мый коркö мойвиас уджавны садйын, да олöмыс тай тшöктiс, — висьталiс Кулöмдiнысь Агафья Алексеевна Уляшева. 

[ A+ ] /[ A- ]


Сiйö Сыктывкарса квайтöд номера профтехучилище да связьлысь Архангельскса колледж помалöм бöрын матö 20 во уджалiс электромеханикöн «Ростелеком» Коми филиаллöн Кулöмдiнса юкöнын. Штат чинтöм бöрын колис уджтöг.Коралiсны öтиöд номера садйö завхозöн. Челядь дорын уджалöм сылы вöлi выльторйöн. Но быть кöнкö уджав. Öдйö пырöдчис уджö, отсасисны садса веськöдлысь С.Е.Уляшева да старшöй воспитатель Н.И.Нестерова. И со коймöд во нин танi. Завхозлöн уджыс кывкутана, пуксьывны здук весиг оз сюрлы: колö примитны сёян-юан, а вайöны сiйöс карысь — коркö сёр рытын, коркö водз асылын, и оз этшаöс, öд колö могмöдны кöкъямыс котырöс, да лэдзö пöваръяслы. Кывкутö и сы вöсна, мед нинöм эз тшык: кужö видзны найöс торйöн индöм кудйын либö холодильник-морозильникъясын. Уна кад босьтö тшöтайтчан удж, вöчö тайöс компьютер отсöгöн. Та вылö видзöдтöг, отсасьö и воспитательлöн отсасьысьяслы либö вежлö найöс: зэв нимкодьпырысь видзö-ворсöдö челядьöс, вердö и водтöдö. Быть öд пö отсав тшöтш уджалысьясыдлы. Сэтшöм нин сiйö мортыс. Бур уджсö пасйисны велöдан управлениесянь почёт грамотаöн. 
Гижöд да снимок Галина НЕСТЕРОВАЛÖН.


Комментарии:

Добавить комментарий

Свежий выпуск: за 23 ноября