Челядь сöмын на пырöны садйö, котöртöны нин радейтана воспитатель дорö. Кытшалöны сiйöс да сьöрсьöн-бöрсьöн висьтасьöны-юксьöны бур лоöмторъясöн да майшöгъясöн. Надежда Николаевна Груздева, öтиöс юрöдыс шылькнитöмöн, мöдöс кутыштöмöн, кывзö найöс. Лунтырöн удитöны бурпöт сёрнитны и ворсны.
Сыктывкарса мöдöд номера педучилище помалöм бöрын Надежда Николаевна Груздева локтiс уджавны Кулöмдiнса нёльöд номера садйö. Уджысь орöдчытöг велöдчис Коми государственнöй пединститутын. Челядькöд уджалö 27 во нин. Ачыс водзмöстчысь морт, и зонпосниöс ышöдö петкöдчыны районса да республикаса конкурсъясын, кöнi унаысь вермылiсны.
Ичöтсянь радейтö сьывны. Матö комын во нин ветлöдлö «Эжваса дзоридзьяс» йöзкостса хорö. Вичмöдлiсны йöзкостса котыръяслöн ставсоюзса да ставроссияса конкурсъяслöн лауреатлысь нимъяс. Талун сьылан котырсаясöс велöдö тшöтш йöктыны.
Уна вося бур уджысь да культураö ыджыд пай пуктöмысь сетiсны велöдан да культуралöн министерствосянь почёт грамотаяс.

i