Босьтiс калым
Россия Федерацияысь Кулöмдiн районын туясян юкöн панiс калым босьтöмысь Кулöмдiн районысь шöр бурдöдчанiнса вöвлöм медшöр врач, районысь 45 арöса нывбаба вылö уголовнöй делö.
Туясян комитет корсьысьö.

Воис кинас
Россия Федерацияысь Кулöмдiн районын туясян юкöн панiс власьтса морт вылö могъяс олöмö пöртiгöн киöн воöмысь Кулöмдiн районысь 30 арöса морт вылö уголовнöй делö. Сiйö эз кöсйы пöртны олöмö полицияса уджалысьлысь тшöктöмсö.
Туясян комитет корсьысьö.

Нывсö нöйтöмысь
Россия Федерацияысь Кулöмдiн районын туясян юкöн помалiс Кулöмдiн районса 28 арöса морт вылö панöм уголовнöй делö туялöм.
Уголовнöй делö туялiгöн тыдовтчис, мый 2017 вося августсянь сентябр босьтöмöн сiйö öтырышъя нöйтiс 2008 воын чужöм нывсö да вöчис лёк мукöд ногöн.
Уголовнöй делöсö видлавны мöдöдöма Кулöмдiн районса судö. Таысь вермасны пуксьöдны дзескыдiнö 7 воöдз.

Лоис кувмöн
Россия Федерацияысь Кулöмдiн районын туясян юкöн помалiс Кулöмдiн районса 43 арöса морт вылö панöм уголовнöй делö туялöм.
Уголовнöй делö туялiгöн тыдовтчис, мый 2017 вося ноябрын сiйö код юрöн зыкö воöм бöрын сатшкис пуртöн сыкöд олысь 29 арöса нывбабаöс, мыйысь аньыс сэнi жö и кулiс.
Виöмысь мыждан уголовнöй делö мöдöдöма Кулöмдiн районса судö. Таысь вермасны пуксьöдны дзескыдiнö 15 воöдз.
Александр КАРМАНОВ,
туясян юкöнса веськöдлысьлысь могъяс олöмö пöртысь.