Ксения Владимировна Мишаринаöс мамыс ас кадö нуис челядьлы шылада школаö. Аккордеон вылын ворсан енбисö казялiсны искусстволöн гимназияса велöдысьяс, кор волiсны районö да бöрйисны челядьöс асланыс велöдчанiнö. Сизимöд классянь Ксения велöдчис юркарын, петкöдчис конкурсъясын. Сэсся помалiс искусствояслысь колледж.
Велöдчöм бöрын бергöдчис чужанiнö, Кулöмдiнö. Кольöм вося сентябрсянь районса культура керкаын хормейстер. Уджалö да водзö сöвмöдö енбисö. Кольöм воын Сыктывкарысь «Северная околица» котырса сьылысьяс донъялiсны сiйöс медвылö. Кольöм вося ноябрын В.Н. Чувьюровлöн «Менам тулысöй» сьыланкывйöн ветлiс томъяслöн «Койташ» гаж вылö, кытысь бергöдчис дипломöн. Ксения Мишарина гижö и кывбуръяс.
Гижöд да снимок Марина Дадашовалöн.