Спорткöд ёртасьö 15 арöссянь, босьтчис ыджыдджык вок вылас видзöдöмöн. 2009 воын Санкт-Петербургын шедöдiс спортса мастерлысь ним. Эм ыджыд сям, ёнмöдчö 30 во нин, отсалö ёна лыддьысьöм.
Дыр уджалiс Ленинлöн уличавывса öти керкалöн му увса судтаын. Ёнмöдчыны кöсйысьяс чукöртчылiсны сэнi 1992 восянь. Ёнмöдчанторъяс корлiс школаысь. 2014 воын вуджис «Олимпикö», кöнi позянлунъяс унджыкöсь. Михаил Альбертович дорö волöны томулов и верстьö. Велöдö, мед бура лэпталiсны штанга, эз доймавны. Тэрмасьтöг, этшаникаöн босьтчöмöн, морт шедöдö ыджыд вермöмъяс.
Бöръя куим воöн М.А.Липинлöн быдтасъяс петкöдчылiсны республикаса ордйысьöмъясын, лолiсны нин мöдъясöн да коймöдъясöн.
Гижöд да снимок Галина КЛЮЖЕВАЛÖН.