Медбур том специалист

[ A+ ] /[ A- ]

«Йöзöс социальнöя могмöдöм кузя мебур уджалысь» республикаса конкурсын медбур том специалистöн лоис Кулöмдiнысь Елизавета Борисовна Лебедева. Социальнöя сöвман республикаса агентство вöзйис сiйöс Россияса конкурс вылö.
Семьялы да челядьлы отсöг сетан районса юкöнын Елизавета Борисовна 2006 восянь. Помалiс Сыктывкарса медводдза номера педколледж, босьтiс юристлысь специальносьт. Уджалiгмоз водзö велöдчö Москваса гуманитарнöй академиялöн Сыктывкарса филиалын.
Специалист отсалö вермытöм челядя семьяяслы да челядьöс öткöн быдтысь батьяслы. Сикт-грездъясö ветлiгöн аддзысьлö накöд, тöдмасьö тöжд-могъясöн. Семьялы да челядьлы отсöг сетан районса юкöн   гортын велöдчысь нывкалы да зонкалы  DSC03281вичмöдiс нэтбукъяс, кодъясöс отсалiсны ньöбны спонсоръяс. Дзоньвидзалун ёнмöдöм да шойччöм могысь вöзйö путёвкаяс. Вермытöмъяслöн «Ёрт» районса общественнöй котырткöд Кулöмдiнса шöр школаын нуöдiсны «Вай ёртасям», челядьöс öткöн быдтысь батьяскöд да налöн быдтасъяскöд — «Ми батькöд ёртъяс» ворсöмъяс. Елизавета Борисовна öтув уджалö юкöнса специалистъяскöд, районса администрацияысь общественносьткöд да том йöзкöд уджалан юкöнкöд. Лыддьö ассьыс уджсö зэв кывкутанаöн да коланаöн.

Комментарии:

Добавить комментарий

Свежий выпуск: 28 марта

Осторожно — мошенники!