«Ростелеком» филиаллöн Кулöмдiнса юкöнысь электромонтёръяслöн бригада, кодöн веськöдлö Олег Александрович Попов, тöлын ылi сиктъясö воöдчö «Буранöн» да лямпаöн, а ытва дырйи пыжöн. Вежöны либö дзоньталöны таксофонлысь аккумулятор, корсьöны телефон проводлысь орöмин да с.в. О.А.Попов квайтöд во нин связьын, удж сьöлöм серти. Связь воысь воö сöвмö. Районö воис оптико-волоконнöй йитöд, пыртiсны уна выльтор. Районын унджыкöн йитчöны интернеткöд. Филиал пыр унаöн вöдитчöны интерактивнöй телевидениеöн, видзöдöны уна программа.
-Окота, мед оптико-волоконнöй йитöд нуöдасны водзö, мед интернет воис и ылi сикт-грездъясö. Связь сöвмöдöм могысь колö вöчны унджык, вежлавны кабельяс да проводъяс. Пуктам став вын, мед вöлi бур телефона йитöд, бура уджалiс интернет, — висьталiс О.А.Попов. 
Гижöд да снимок
Марина Дадашовалöн.