май 15 лун — семьялöн ставмирса лун

[ A+ ] /[ A- ]

Кулöмдiнысь Спартак Иванович да Олимпиада Ивановна Чалановъяс кольöм воын пасйисны зарни кöлысь. Нимöдiсны найöс районса администрацияын семьялы сиöм гаж вылын.
Висьтасисны, мый тöдмасисны 1958 воын. Сэки кыкнанныс уджалiсны «Выльног» колхозын: Спартак Иванович веськöдлiс скöт картаöн, а Олимпиада Ивановна лысьтысис. Том йöз вöлiны мичаöсь, статяöсь, быд уджö öдйö кыпалысьöсь, лöсялiсны öта-мöдыслы. 1962 воса июльын ворсiсны кöлысь. Ветымын во восьлалiсны ки на ки топыда кутчысьöмöн, öта-мöдсö радейтöмöн да пыдди пуктöмöн, став сьöкыдсö и шудлунсö öтув венöмöн. Кöнi кöть эз уджавны, пыр нималiсны ыджыд зiльлунöн да нырччöмöн. Спартак Иванович колхозысь петöм бöрын уна во уджалiс Верхне-Вычегодскöй леспромхозын, пöрöдiс вöр, мотористалiс чери рöдмöдан Кулöмдiнса котырын. Ставнас уджалiс 40 во. Олимпиада Ивановна дас во лысьтысис колхозын да «Усть-Куломскöй» совхозлöн шöр отделениеын, бухгалтералiс «Усть-Куломскöй» совхозын да госпромхозын. Уна вося бур уджнысö пасйисны «Уджвывса ветеран» медальöн да почёт грамотаясöн. Гозъя быдтiсны да петкöдiсны олöмö куим челядьöс, кодъясöс ичöтсянь велöдiсны уджö. Öнi найö олöны асланыс семьяясöн. Оз вунöдны бать-мамнысö, челядьныскöд тшöкыда волывлöны видлыны найöс, отсалöны бергöдны гортгöгöрса удж. Век олiсны ыджыд овмöсöн, мöскöн. Олöма йöзлы нимкодь, мый челяьыс быдмисны ас кодьныс жö зiльöсь да пыдди пуктанаöсь: сiдзкö, найöс велöдöмыс-туйдöмыс эз ло весьшöрö.DSC01658

Комментарии:

Добавить комментарий

Свежий выпуск: 28 марта

Осторожно — мошенники!