Öнія кадö сэтшöм водительяс, кодъяс тöвнас нёль кöлесаа «ёртныссö» оз уджöдны, этшаöн. Ставöн ветлöны быд лун да быд поводдя дырйи. Гожöмын кö кос асфальт кузя мунны лöсьыд, тöвнас сьöкыдлуныс унджык. Öд öнi машинаöн ветлысьлы колö лоны зэв сюсьöн да тöдны некымын инöд, кодъяс отсаласны видзны матыссалысь да и ассьыс олöм. Тöв паныдалö миянöс вильыд туйöн, толаясöн, кöдзыд руöн. И тайö сьöкыдлунъяс венöм могысь колö водзвыв дасьтысьны.

Ылі туйö петігöн аптечка, кусöдчан аппарат, аварийнöй пас, баллоннöй ключ, домкрат да содтöд кöлеса кындзи колö босьтны нöшта:

• содтöд шоныд кöм-пась;
• прикуриватель дінö йитчана батарейка вылын пöнар, «прикуривание» провод;
• стеклö зыртан да щöтка;
• сисьяс да истöг;
• телефон;
• вильдалöмысь лыа мешöк, неыджыд зыр;
• трос, мигайтан бияс;
• сёянтор, градустöм юантор;
• ки-кок шонöдан сюйöд.

Ті кö сибдінныд лымйö.

Вильыд да лымйöн тырöм тöвся туй кузя бураа ветлöм могысь машина кöлесаяссö колö вежны тöвся вылö. Но ті кö сибдінныд лымйö, медкокни лоö весавны лымйысь кöлеса бердса инъяссö, медым öддзöдчыштны да петны лым толаысь. Та вылö и ковмасны зыр, трос да лыа мешöк.

Заводитінныд кö буксуйтны, неуна бöрö сетлöй машинаныдтö, сэсся водзö и артмöданныд öддзöдчöм вылö кöлея. Автоматическöй передача кöрöба машиналы буксуйтны оз ков – нинöм оз артмы. Бара жö ставсö колö вöчны ньöжйöник да сюся. Заводитлöй петны толаысь мöвкйöдлöмöн. Сöмын кусöдöй ABS система.

Мый вöчны, машинасö кö тыртіс лымйöн?

• Эн кольöй машинаныдтö сэтчöдз, кытчöдз он тöдмалöй ылын-ö отсöгыс и кöні ті сибдінныд;
• Медым тіянöс казялісны, öзтöй аварийнöй пöнар да сигнал сетысь бияс, öшöдöй яръюгыд дöра;
• Выхлопнöй трубаыс кö абу тырöма лымйöн, уджöдöй машинасö да шонöдöй салонсö быд час 10 минут гöгöр, либö ломтас серти видзöдöй, мыйта шонöдны;
• Медым не кынмыны, пасьталöй содтöд паськöм да вевтьысьöй шебрасöн;
• Неуна восьтöй öшинь. Ён лымъялöм вöсна вермасны тупкысьны машинаö сынöд пыранінъяс.

Кусі кö машинаныд.

• Колö петны машинаысь да гöгöрвоны, кöнöсь ті да ылын-ö оланінъяс.

• Коринныд кö отсасян службаяс, эн водöй узьны налöн вотöдз

• Кöсъянныд кö ветлыны отсöгла матысса оланінöдз, мунöй туйясті да трассаясті

Веськалiнныд кö машинаöн бушков дырйи:

• Эн майшасьöй! Бураа ставсö думыштöй;

• Радиатор дінсянь тупкöй двигатель;

• Корöй 112 номер серти отсасян службаяс;

• Машинасö бурджык сувтöдны сідзи, медым двигательыс вöлі эз тола весьтас;

• Кадысь кад шонöдöй машинатö;

• Весалöй выхлопнöй трубасö, мед лёк газъяс эз пырны салонö;

• Кадысь кад весалöй машинатö лымйысь

• Весиг ёна кö мудзинныд, отсасян службаяс вотöдз водны узьны оз ков.

Биысь видзчысян служба да войтырöс доръян республикаса управление