Пузлаысь Елена Михайловна Лебедевалы буретш нывбабаяслöн лун водзын республикаса Госсöветсянь вичмис бур козин — баян. Сетiс сiйöс районса культура керкаын Госсöветса депутат В.А.Косов, мыйысь сiйöс ань пöся аттьöалiс. Пыр жö и видлiс-ворсiс да В.А.Косовкöд сьылiс «Катюша».
Елена Михайловна баянöн ворсö матö нэм джын. Босьтчылiс ворсны ар дасöн батьыслöн гудöкöн. Некодöн туйдытöг велöдчис ачыс. Медводз велöдiс «Шондiбан». Вочасöн вуджис баян вылö, кодöс быдлаö босьтлiс аскöдыс, гажöдлiс сьылан котыръясöс и йöзöс. Зэв сьöлöм сертиыс роч кöть коми йöзкостса сьыланкывъяс. Ичöтсяньыс зэв пыдди пуктiс Россияса нималана сьылысь Людмила Зыкинаöс, мöвпалiс лоны сы моз пыр йöз пöвстын. Сiдзи и лоис, öтарö гажöдö найöс. Сизимöд во нин Выльгортысь С.И.Игушевакöд «Медбур кад» сьылан котырынöсь, петкöдчылöны районса гажъясын.
Елена Михайловна уджалö Ягкöджса школаын, но вевъялö быд лун волыны асланыс клубö, кытчö локтiс выль морт да ловзьöдiс удж. Татчöс сьылысьяскöд öнi дасьтысьöны олöмаяс котыръяслöн гаж кежлö, кодi лоас регыд Помöсдiнын. Висьталiс, мый ворсны выль баянöн зэв нимкодь, кутас ёнджык на гажöдны йöзöс.
Галина НЕСТЕРОВА.
Гижысьлöн снимок вылын: Е.М.Лебедева выль баянöн Вöльдiнса юралысь И.А.Андриевскаякöд.