«Помöсдiн» кооперативын мунiс лысьтысьысьяслöн районса конкурс. Петкöдчис квайт морт. Волiс и Ульянаысь крестьянин овмöс кутысь Елена Евгеньевна Тарабукина. Разисны да чукöртiсны лысьтысян аппарат, дасьтiсны сiйöс лысьтысигкежлö, лысьтысисны кад вылö, вочавидзисны юалöмъяс вылö. Медбурöн лоис Бадьёльйылысь Лидия Васильевна Уляшёва. Сэтысь жö Татьяна Васильевна Уляшёва лоис мöдöн, Надежда Егоровна Уляшёва коймöдöн. Ставнысö пасйим дона козинöн. Чай юигöн юксисны опытöн, сёрнитiсны тырмытöмторъяс йылысь.
Конкурс котыртны отсалiс кооперативысь медшöр зоотехник Елизавета Михайловна Уляшёва. Сьöм вичмöдiс районса администрация.