Кыпыда пасйим Победалысь лун Ягкöджын.

[ A+ ] /[ A- ]

 Школа-садйын, кодöн веськöдлö А.А.Грекул, лöсьöдiсны война вылö ветлысьяс йылысь снимокъяса ыджыд гижöд, сюртчылiс быд класс. Велöдысьяс Н.М.Уляшевакöд да В.В.Тарасовакöд ичöт классаяс вöчисны войнадырся челядьлы открыткаяс.
Садйын гажöдчисны асывнас да петкöдчисны рытнас и клубын. Ыджыд гаж вöлi май 8 лунö, сiйöс дасьтiсны велöдчысьяс, садса челядь, олöма йöзлöн «Калинушка» сьылан котыр, клубöн веськöдлысь Е.А.Залевская. Йöзлы сьöлöм вылö ёна воис посни челядьлöн «Синий платочек» да «Аист на крыше» шылад улö йöктöм. Гырысь класса нывкаяс йöктiсны «Кукушка». Василий Игнатов лöсьыда висьталiс «Василий Тёркин» поэмаысь юкöн.
Кыпыда колис и май öкмысöд лун. Мунiс «Кувлытöм полк». Клуб дорö чукöртчисны гырысь и посни. Портретъясöн, дзоридзьясöн, шаръясöн мунiсны казьтылан пас дорö.
Победа йылысь сёрни бöрын йöз сёйисны салдатлысь рок, пуктiсны казьтылан пас дорö дзоридзьяс. Социальнöй уджалысь да овмöдчöминöн веськöдлысь И.А.Андриевская сетiсны тылса уджалысьяслы да войнакадся челядьлы козинъяс.
Аттьöалам ставнысö, кодъяс петкöдчисны тайö гажын. Торъя аттьö сьöмöн отсалысьяслы. Тайö «Комилесбизнес» котырöн веськöдлысь А.С.Игнатов, «Мария» лавкаöн веськöдлысь М.М.Мингалёва да «Эмбур плюс» лавкаöн веськöдлысь Д.А.Уляшев.
Зинаида АРТЕМЬЕВА,
олöмаяслöн котырöн веськöдлысь.
Ягкöдж.


Комментарии:

Добавить комментарий

Свежий выпуск: за 18 октября