«Коммунальнöй услугаясысь донъяс кыпöдöм, торйöн нин уна патераа керкаяс öтувъя могмöдöмысь, урчитан вештанторъяс подулалöм инмöны республикаса быд олысьлы. И лоас кö казялöма тайö юкöнын закон торкалöм, вöчам колана кывкöртöдъяс.
Коммунальнöй услугаясöн могмöдöм пыр колö кутны син улын. Оз позь, медым йöз вештiсны нинöмöн подулавтöм сьöм. Кора, медым торъя ведомствояс сюся видзöдiсны управляющöй компанияяс бöрся. Управляющöй компанияяслы колö бура гöгöрвоны, мый йöзлы кö кутасны воны вештысьöм вылö нинöмöн подулавтöм ыджыд лыдпасъяс, налысь уджсö быть видзöдласны надзорнöй органъяс. И казяласны кö, мый йöзлысь пычкöны нинöмöн подулавтöм сьöм, лоас панöма уголовнöй да административнöй делöяс».
2013-öд вося мартын правопорядок кузя чукöртчылöм вылын Коми республикаса юралысь В.Гайзерлöн сёрниысь.