Кусöдчысь оз сöмын кусöд öзйылöмъяс

[ A+ ] /[ A- ]

— Кусöдчысь оз сöмын кусöд öзйылöмъяс, но и мездö-дорйö йöзöс, — тöдчöдiс районысь кусöдчан гарнизонын юкöнса командир Сергей Эдуардович Лодыгин, кодi 2011 восянь уджалiс Зимстанса кусöдчысьяслöн часьтын, а 2015 воын вуджис татчö. 
Öтчыд сёр арын, кор Эжвалöн öтар-мöдарыс вöлi восьса на, юрсиктысь вадорса олысь диспетчерлы юöртiс, мый мöдлапöлö вуджысь айлов бузгысьлiс ваö, эз бергöдчы, а мунiс водзö да бöрсö эз вермы вуджны. Сергей Эдуардовичлöн котырыс, кöнi сы кындзи вöлiны водитель да кык кусöдчысь, кыпалiсны пыр жö. Отсöгöн локтiсны ичöт суднояс инспекциялöн Кулöмдiнса юкöнысь инспекторъяс да öтув дорйисны мортöс. Тшöкыда кусöдчысьяс петавлöны туйвывса лоöмторъяс вылö. 
Мед лоны пыр дасьöн, öтарö велöдчöны. Ветлывлöны Озъягö кусöдчысьяслöн медводдза номера торъя постö, кöнi эм та могысь ставыс. 
Гижöд да снимок Марина ДАДАШОВАЛÖН.


Комментарии:

Добавить комментарий

Свежий выпуск: за 11 октября