Гöрд дипломöн помалiс Сыктывкарса педколледж, сэсся гöрд дипломöн жö Санкт-Петербургса юридическöй академия. 
— Медводдза классянь велöдчи ворсны фортепианоöн шылада школаын. Менам вöлi зэв бур велöдысь Елена Владимировна Морозова. Шылад меным вöлi матыс. Мамöй сьылiс и öнi на сьылö «Эжваса дзоридзьяс» котырын. Батьöй гудöкасьö, ворсö гитараöн. Гитараöн ворсны велöдiс и менö. Шöр школаын радейтi история да обществознание, найöс и бöрйи да 9-öд классын сдайтi экзамен. Сэки нин мöвпалi лоны юристöн. Но сёрнитi бать-мамкöд да шуи медводз лоны шылад велöдысьöн, а сэсся велöдчыны юристö. Кöсйöмöс збыльмöдi, — сёрнитiс том ныв. 
Санкт-Петербургын ветлöдлiс том йöзлöн «Нева» клубö, сьылiс «Росинка» котырын, кодöн веськöдлö миян республикаысь Валентина Сергеевна Лебедева. Петкöдчигъясöн сьылiсны коми сьыланкывъяс да частушкаяс. София коставлытöг велöдчис 8 во. Таво помалiс бакалавриат, шойччыштöм бöрын мöвпалö водзö велöдчыны юристö магистратураын. 
Гижöд да снимок Марина ДАДАШОВАЛÖН.