Кулöмдiнысь Ольга Ивановна Чувьюрова — велöдан управлениеысь томъяскöд уджалан юкöнса юрнуöдысь эксперт.
Тайö уджö босьтчис тавося июньсянь да петкöдлiс асьсö сöмын бур боксянь.
— Öдйö пырöдчис уджö, зэв зiльысь, кокниа сибöдчö том йöз дорö, корсьысьö да пыртö уджас выльторъяс. Öти кывйöн кö, зэв бур специалист, — ошкис сiйöс юкöнöн веськöдлысь В.П.Савельева.
О.И.Чувьюрова аслас юкöнса уджёртъясыскöд ышöдö да велöдö томъясöс петкöдчыны районса гажъясын, конкурсъясын да ордйысьöмъясын. Тайöс вöчигöн тöдмасьö выльысь-выль йöзкöд, уджалö томъяслöн сиктса котыръяскöд, юралысьяскöд, культура, велöдан да мукöд юкöнъясса уджалысьяскöд. Аддзö, кыдзи томъяс ловзьöны, кыпалöны сьöлöмнаныс, мыйысь кыпалö ловнас и ачыс. Нимкодьпырысь казьтылö гожöмнас Помöсдiнын чукöртчылöм, кöнi юксисны сямöн да ордйысисны. Выльторйöн лоис том нывъяс костын «Райда» конкурс нуöдöм. Мукöддырйиыс окота петкöдчывны аслыс. Мед и петкöдчас да шензьöдас миянöс.
Гижöд да снимок Галина НЕСТЕРОВАЛÖН.
Комментарии: