Шöр школа помалöм бöрын велöдчис В.Т.Чисталёв нима Сыктывкарса культуралöн колледжын библиотекарö. Матö нёль во уджалiс Эжваса библиотекаын, но сьöлöмыс бöр кыскис Кулöмдiнö да уджалö шöр библиотекаын. 
— Библиотекарлöн медшöр ёртыс лыддьысьысь, и колö сылысь тырвыйö могмöдны корöмъяссö, — шуис Надежда Алексеевна. 
Та вылö шöр библиотекаын позянлунъяс ыджыдöсь. Книгаыс уна сюрс да позьö бöрйыны сьöлöмлы коланаöс. Абу кö, корсьöны электроннöй каталог пыр. Газет-журналъяс лыддьöны воöм бöрас панъясьöмöн. Библиотекаын нуöдлöны и аддзысьлöмъяс. Лыддьысьысьяс дорö волöны «ловъя» гижысьяс, артистъяс да енбиа мукöд йöз, мый нöшта ышöдö волыны татчö тшöкыдджыка. Том аньлы сьöлöм сертиыс книгаяс да йöз пöвстын уджыс. 
Гижöд да снимок Галина НЕСТЕРОВАЛÖН.