Кулöмдiнысь Дмитрий Альбертович Пашнин районын öтнас вöчö профнастил, керка вевттьыны коланторъяс, сайдинг да мукöдтор.

[ A+ ] /[ A- ]

Сыктывкарса вöр институтын вöр овмöсса техника кузя инженерö велöдчöм бöрын уджыштiс керка кыпöдысьяслöн котырын. Вöчасисны районын, ветлiсны и бокиö. Велöдчис унаторйö. Гöгöрвоис, мый керкаяс кыпöдiгöн, найöс дзоньталiгöн, выльмöдiгöн, мичмöдiгöн, зэв коланаöсь жöчысь вöчöмторъяс. Мöвпыштiс петны ас нянь вылö. Оборудованиела ветлiс Липецкö да сувтöдiс ассьыс машинасö видзанiнö. Сэсся кöртымалiс Кулöмдiнса ПМК-лысь жыръяс. Воддза воын ньöбис öти асшöр уджалысьлысь стрöйба, дзоньталiс да вуджис тавося майын.
— 2015 воын балаöн пырöдчи районса администрацияöн котыртöм конкурсö да верми. Вичмöм сьöм вылö ньöби жöч. Босьтi öти уджалысьöс. Профнастилла шыöдчысьяс корöны и вевттьысьны, а мед вежны вевт, колö медводз дзоньтавны труба. Ыджыдтор вöчигöн босьтла 10 уджалысьöдз. Медся киподтуяöсь да кывкутысьöсь, оз артасьны кадöн донсаяс да дереваннöйсаяс. Эмöсь велöдчöм пач тэчысьяс, би нюжöдысьяс. Вöча и мича потшöс. Куим воöн таво медся уна шыöдчöм. Сёрнитчи Россияса кöрта кöлуй вöчанiнкöд, кодi могмöдö жöчöн. Позьö вöчны и зыр да ведра, уна мукöдтор. Кöсъя паськöдчыштны, вöча вайöм жöчлы да куснялöмыслы нин жыръяс. Мöвпала ньöбны содтöд оборудование, таысь бурджыкöс, — висьталiс Д.А.Пашнин.
Гижöд да снимок
Марина ДАДАШОВАЛÖН.


Комментарии:

Добавить комментарий

Свежий выпуск: за 7 июня