Пузлаысь Надежда Алексеевна Кынева  уджалöын. Шонтö овмöслысь гараж, ангар, контора, магазин да с.в. Уджалöны нёльöн, öта-мöдсö вежлалöмöн, 12 часöн. Уджыс, дерт, абу нывбабаяс вылö, но оз элясь, вевъялö лючки бергöдны ставсö. Сьöкыдджык пö сöмын сыын, мый аслыныс колö дасьтыны-поткöдлыны пес.
-Айлов уджö велалi нин, — висьталiс Надежда Алексеевна. — Таöдз уна во уджалi тайö жö овмöсас пилитчанiнын станокöн тьöс-плака лэдзан операторöн. Öнi верöсöй уджалö сэнi.
Котельнöйын олан жырйын кодь кыпыд, югыд да сöстöм. Тыдалö аньлöн киподтуй: пелькöдöма гöгöр дзим-дзурк. Пач ломтöмысь кындзи, татчöс уджалысьяс видзöдöны нöшта «Комилесбизнеслöн» овмöс бöрся: котельнöйын сувтöдöм телевизорсяма видеоэкран пыр тыдалö ставыс, кодi кытчö мунö либö локтö.
Аньлы нимкодь, мый налöн верöсыскöд эм удж, мед кöть абу ёна ыджыд удждона, öд пузласаяс унаöн пукалöны уджтöг. Колö на челядьнысö кыпöдны кок йылö. Майшöдлö сöмын сiйö, мый найö велöдчöны бокын, Помöсдiнса школаын, олöны сэтчöс интернатын, бать-мамлöн видзöдласысь ылын