«Капкан»

[ A+ ] /[ A- ]

Дорвыв уна лун лымъялöм вöсна гöгöр тырис эз сöмын страналöн шöрвылын, но и миян республикаын да, торйöн кö, Кулöмдiнын. Уличаяс эськö весалöны, но кытi колö кутчысьлыны зыръясö, татшöминъясыс кольöны весавтöг. Стöчджыка кö шуны, найöс колана ногöн эз на весавлыны лым усьöмсянь. Ме сёрнита местаяс йылысь, кытi туй öтар-мöдарас сувтöдiсны кöрт потшöсъяс да подаяслы колö ветлöдлыны на сайтi. А кыдзи ветлöдлан, оз кö весавны? Со и ветлöны сэтi жö, кытi мунöны машинаяс, кöть оз позь. Машина да потшöс костыс капкан кодь, гöгыльясаыс кö вешйыштас, мортлы вешйыны лоö некытчö — зурасяс потшöсö. Торйöн нин майшöдлö Кулöмдiнса шöр школа да Кулöмдiнса лесничество кост, кöнi эмöсь кöрт потшöсъясыс да сайяссö оз весавлыны. Оз мöй аддзы сиктса администрация?
Василий ГРИГОРЬЕВ.
Кулöмдiн.


Комментарии:

Добавить комментарий

Свежий выпуск: за 24 мая